Parish News

News: Sunil Miranda
Photos: Akruthi Studio Moodbidri

ಆಮ್ಚ್ಯಾ ಫಿರ್ಗಜೆಚೆಂ ವೊಡ್ಲೆಂ ಫೆಸ್ತ್ ಅಕ್ಟೋಬರ್ 18 2017 ವೆರ್ ಭೋವ್ ಗಡ್ದಾಳಾಯೆನ್ ಆಚರಣ್ ಕೆಲೆಂ. ಸಕಾಳಿಂ 9.45 ವೊರಾಂಕ್ ಮುಡ್ದಮ್‍ದಾರ್ ಸಾಂ. ಲೊರೆಸ್ ವಾಡ್ಯಾಚೊ ಮಾನೆಸ್ತ್ ಮಾರ್ಕ್ ಡಿ’ಕೊಸ್ತಾ ಆನಿ ಕುಟ್ಮಾಕ್ ಇಗರ್ಜೆಚ್ಯಾ ಗೆಟಿಲಾಗಿಂ ಸ್ವಾಗತ್ ಕರುನ್ ಪುರ್ಶಾಂವಾರ್ ಇಗರ್ಜೆಕ್ ಆಯಿಲ್ಲೆಂಚ್, ಫೆಸ್ತಾಕ್ ದಾನ್ ದಿಲ್ಲ್ಯಾ ದಾನಿಂಕ್ ಬೆಂಜಾರ್ ಕೆಲ್ಲಿ ವಾತ್ ದೀವ್ನ್ ಮಾನ್ ಕೆಲೊ. ಉಪ್ರಾಂತ್ ಸಂಭ್ರಮಿಕ್ ಮಿಸಾಚೆಂ ಬಲಿದಾನ್ ಭೆಟಯ್ಲೆಂ.

ಪ್ರದಾನ್ ಯಾಜಾಕ್ ಜಾವ್ನ್ ಸಂಪಿಗೆ ಫಿರ್ಗಜೆಚೆ ವಿಗಾರ್ ಮಾ|ಬಾ| ನೆಲ್ಸನ್ ಒಲಿವೆರಾ ಹಾಣಿಂ ಅರ್ಗಾಂ ಬಲಿದಾನ್ ಭೆಟಯ್ಲೆಂ. ವಿಗಾರ್‍ವಾರ್ ಮಾ|ಬಾ| ಪಾವ್ಲ್ ಸಿಕ್ವೇರಾ, ಫಿರ್ಗಜ್ ವಿಗಾರ್ ಮಾ|ಬಾ| ಜೆಸುದಾಸ್ ಡಿಕೋಸ್ತಾ ಹಾಂಚೆ ಸಂಗಿಂ ಬಾರಾ ಯಾಜಾಕಾನಿಂ ಸಹ ಭೆಟವ್ಣಿ ಕೆಲಿ. ದಿಯಾಕೊನ್ ವಿಲ್ಸನ್ ಡಿ’ಕೋಸ್ತಾ ಹಾಜಾರ್ ಆಸ್‍ಲ್ಲೆ. ಪ್ರಸಂಗಾತ್ ಮಾ| ನೆಲ್ಸನ್ ಒಲಿವೆರಾ ಬಾಪಾನಿಂ ‘ಮರಿಯೆಚೆಂ ಜೀವನ್ ಸಮುದಾಯೆಚಾ ಜಿವಿತಾಕ್ ಪ್ರೇರಣ್’ ಮಳ್ಳ್ಯಾ ವಿಷಯಾಚೆರ್ ಉಲವ್ನ್ ಮರಿಯೆಪರಿಂ ಮಾಯಾಮೊಗಾಚಿ ಆನಿ ಭಾವಾಡ್ತಾಚಿ ಜಿಣಿ ಆಮ್ಚಿ ಕರ್ನ್ ಕಾಣ್ಘೆಂವ್ಕ್ ಉಲೊ ದಿಲೊ. ಲಿತುರ್ಜಿಚೆಂ ಮುಖೆಲ್ಫಣ್ ಘೆತ್‍ಲ್ಲ್ಯಾನಿಂ ಆನಿ ಗಾಯಾನ್ ಪಂಗ್ಡಾಚಾನಿ ಸಗ್ಳಿ ದೇವ್ ಸ್ತುತಿಂತ್ ಸರ್ವಾಂಕ್ ಭಕ್ತಿಪಣಿಂ ಭಾಗ್ ಘೆಂವ್ಕ್ ಕುಮಕ್ ಕೆಲಿ.

ಮಿಸಾ ಉಪ್ರಾಂತ್ ಫಿರ್ಗಜ್ ವಿಗಾರಾಂನಿ ಸರ್ವಾಂಚೊ ಉಪ್ಕಾರ್ ಭಾವುಡ್ಲೊ. ಫೆಸ್ತಾಚಾ ದಿಸಾಚಾ ಖರ್ಸಾ ಬಾಬ್ತಿಂ ವಿವಿದ್ ಸಂಗ್ತಿಂಕ್ ಪ್ರಾಯೋಜಕ್ ರಾವುನ್ ಆಧಾರ್ ದಿಲ್ಲ್ಯಾಂಕ್ ಆನಿ ಮುಡ್ದಮ್‍ದಾರಾಂಕ್ ಮಾನಾಚಿ ವಾತ್ ದೀವ್ನ್ ಮಾನ್ ಪಾಟಯ್ಲೊ. ಮಿಸಾ ಉಪ್ರಾಂತ್ ಐ.ಸಿ.ವೈ.ಎಂ. ಚ್ಯಾ ಸಾಂದ್ಯಾನಿಂ ಆಸಾ ಕೆಲ್ಲ್ಯಾ ಸ್ಟಾಲಾನಿಂ ಸಬಾರಾನಿಂ ಆಪೆÇ್ಲ ವೇಳ್ ಖರ್ಚುನ್ ಫೆಸ್ತಾಚೊ ಸಂಭ್ರಮ್ ದೊಡ್ತೊ ಕೆಲೊ.