Parish News

ಆಮ್ಚ್ಯಾ ಫಿರ್ಗಜೆಚೆಂ ವಾರ್ಷಿಕ್ ಫೆಸ್ತ್ ಸಂಭ್ರಮ್ಚ್ಯಾ ಸಂದರ್ಭಿಂ ಅಕ್ಟೋಬರ್ 16, 2022 ವೆರ್ ಕೊಂಪ್ರಿಚೊ ಆಯ್ತಾರ್ ಆಚರಣ್ ಕೆಲೊ. ಸಾಕಾಳಿಂ 7.45 ವೊರಾಂಕ್ ಸಂಭ್ರಮಿಕ್ ಅರ್ಗಾಂ ಬಲಿದಾನಾ ಸವೆಂ ಲಿತುರ್ಜಿ ಆರಂಭ್ ಕೆಲಿ. ಪ್ರಧಾನ್ ಯಾಜಾಕ್ ಜಾವ್ನ್ Gladsom ಹಾಚೊ ರೆಕ್ಟರ್, ದೇವ್ ಆಪೊವ್ಣ್ಯಾ ಕೇಂದ್ರಾಚೊ ದಿರೆಕ್ತೊರ್ ಆನಿ ಸಾಂ ಜುಜೆ ಸೆಮಿನಾರಿ ಜೆಪ್ಪು ಹಾಂಗಾಚೊ ಪ್ರಾದ್ಯಾಪಕ್ ಮಾ|ಬಾ| ಪ್ರವೀಣ್ ಲೀಯೊ ಲಸ್ರಾದೊ, ಹಾಣಿಂ ಅರ್ಗಾಂ ಬಲಿದಾನ್ ಭೆಟಯ್ಲೆಂ. ಫಿರ್ಗಜ್ ವಿಗಾರ್ ಮಾ|ಬಾ| ರೊನಾಲ್ಡ್ ಡಿ'ಸೋಜ಼ ಆನಿ ಫಿರ್ಗಜೆಂತ್ಲೆ ಯಾಜಾಕ್ ಮಾ. ಬಾ. ಜೋರ್ಜ್ ಜೈಸನ್ ಪಿಂಟೊ ಜೆ.ಸ. ಹಾಣಿಂ ಸಹ ಭೆಟವ್ಣಿ ಕೆಲಿ.

ಸಂಭ್ರಮಿಕ್ ಅರ್ಗಾಂ ಬಲಿದಾನ್ ಜಾಲ್ಲೆಂಚ್ಚ್ ಆರಾಧಾನಾ ಉಪ್ರಾಂತ್  ಸಾಕ್ರಾಮೆಂತಾಚೊ ಸಂಬ್ರಮಿಕ್ ಪುರ್ಶಾಂವ್ ಪದ್ಮ ರೈಸ್ ಮಿಲ್ ಗಂಟಾಲ್ಕಟ್ಟೆ ಮ್ಹಣಾಸರ್ ಕಾಡುನ್ ಸಕ್ರಾಮೆಂತಾಕ್ ಮಾನ್ ಕೆಲೊ. ಸರ್ವ್ ಲೊಕಾನ್ ಭೋವ್ ಶಿಸ್ತೆನ್ ಆನಿ ಭಕ್ತಿಪಣಾನ್ ಭಾಗ್ ಘೆತ್ಲೊ. ಇಗರ್ಜೆಕ್ ಪಾವುಲ್ಲೆಂಚ್ ಸಂಭ್ರಮಿಕ್ ಆಶೀರ್ವಾದಾ ಸವೆಂ ಲಿತುರ್ಜೆ ಅಕೇರ್ ಜಾಲಿ.

ವಿಗಾರಾಂನಿ ಸರ್ವಾಂಚೊ ಉಪ್ಕಾರ್ ಬಾವುಡ್ಲೊ. ಹಾಚ್ಯೆ ಉಪ್ರಾಂತ್ ಸರ್ವಾಂಕ್ ತಂಡ್ ಪೀವನಾಚಿ ವ್ಯವಸ್ಥ್ಯಾ ಕೆಲ್ಲಿ.