Parish News

ಫಿರ್ಗಜೆಂತ್ ಮೊಂತಿ ಫೆಸ್ತ್ ಸಪ್ತೆಂಬರ್ 08, 2022ವೆರ್ ಆಚರಣ್ ಕೆಲೆಂ. ಮಿಸಾ ಪಯ್ಲೆಂ ಕಣ್ಸಿ ಬೆಂಜಾರ್ ಕರುನ್ ಉಪ್ರಾಂತ್ ಸರ್ವ್ ಭುರ್ಗ್ಯಾನಿಂ ಆನಿ ಫಿರ್ಗಜ್ಗಾರಾನಿಂ ಬಾಳಕ್ ಮರಿಯೆಕ್ ಫುಲಾಂ ಅರ್ಪಿಲಿಂ. ಮಿಸಾಕ್ ಪ್ರಧಾನ್ ಯಾಜಕ್ ಮಾ. ಬಾ. ರಾಕೇಶ್‌ ಮಥಾಯಸ್‌ ಹಾಂಣಿಂ ಮಿಸಾಚೆಂ ಬಲಿದಾನ್ ಭೆಟಯ್ಲೆಂ. ಫಿರ್ಗಜ್ ವಿಗಾರ್ ಮಾ|ಬಾ|ರೊನಾಲ್ಡ್ ಡಿ'ಸೋಜ ಹಾಣಿಂ ಸಹ ಭೆಟವ್ಣಿ ಕೆಲಿ. ಭಕ್ತಿಕಾನಿಂ ಭೋವ್ ಭಕ್ತಿನ್ ವಾಂಟೊ ಘೆತ್ಲೊ. ಮಿಸಾ ಉಪ್ರಾಂತ್ ವಿಗಾರ್ ಬಾಪಾನಿಂ ಫೆಸ್ತ್ ಭೋವ್ ಅರ್ಥಾಭರಿತ್ ರಿತಿನ್ ಆಚರಣ್ ಕರುಂಕ್ ಸಹಕಾರ್ ದಿಲ್ಲ್ಯಾ ಸರ್ವ ಫಿರ್ಗಜ್ಗಾರಾಂಚೊ ಉಪ್ಕಾರ್ ಬಾವುಡ್ಲೊ. ಮಿಸಾ ಉಪ್ರಾಂತ್ ನವೆಂ ಸೆವ್ಲೆಂ. ಸರ್ವಾಂಕ್ ಕೊಬು ವಾಂಟ್ಲೆ. ಮಿಸಾ ಉಪ್ರಾಂತ್ ಆಮ್ಚ್ಯಾ ಫಿರ್ಗಜ್ ಐ.ಸಿ.ವೈ.ಎಂ, ಘಟಾಕಾಚ್ಯಾ ಸಾಂದ್ಯಾನಿಂ ಗುಮ್ಟಾಂ ಪದಾಂ ಸದಾರ್ ಕಲಿಂ.