Parish News

26.06.2022 ವೆರ್ ನಿತ್ಯಾದಾರ್ ವಾಡ್ಯಾಗಾರಾನಿಂ ವಾಡ್ಯಾಚಿ ತಶೆಂಚ್ಚ್ ಫಿರ್ಗಜೆಚಿ ಪಾತ್ರೊನ್, ನಿತ್ಯಾದಾರ್ ಮಾಯೆಚೆಂ ಫೆಸ್ತ್ ಆಚರಣ್. ಸಕಾಳಿಂಚ್ಯಾ ಮಿಸಾಚಿ ಲಿತುರ್ಜಿ ವಾಡ್ಯಾಗಾರಾಂಚ್ಯಾ ಮುಖೆಲ್ಪಣಾಖಾಲ್ ಚಲ್ಲಿ. ಮಿಸಾ ಉಪ್ರಾಂತ್ ಸರ್ವಾಂಕ್ ಗೊಡ್ಶೆಂ ವಾಂಟ್ಲೆಂ. ಸಾಂಜೆರ್ 4.00 ವರಾಂಕ್ ಶ್ರೀಮತಿ ಬೆನಿಡಿಕ್ಟಾ ಮಿರಾಂದಚ್ಯಾ ಘರಾ ಫೆಸ್ತಾಚೊ ಸಂಭ್ರಮ್ ಆಸಾ ಕೆಲ್ಲೊ. ಹ್ಯಾ ಸಂಭ್ರಮಾಂತ್ ಆಮ್ಚೊ ಫಿರ್ಗಜ್ ವಿಗಾರ್ ಮಾ. ಬಾ. ರೊನಾಲ್ಡ್ ಪ್ರಕಾಶ್ ಡಿ’ಸೋಜಾ, ಉಪಾಧ್ಯಕ್ಷ್ ಮಾನೆಸ್ತ್ ಲೀಯೊ ಡೆನಿಯಲ್ ಡಿ’ಸಿಲ್ವಾ, ಲ್ಹಾನ್ ಕ್ರಿಸ್ತಾಂವ್ ಸಮುದಾಯ್ ಆಯೋಗಾಚಿ ಸಂಚಾಲಕಿ ಮಾನೆಸ್ತಿಣ್ ಮೇರಿ ಪಿರೇರಾ ಹಜಾರ್ ಆಸ್ಲಿಂ. ವಿಗಾರ್ ಬಾಪಾನಿಂ ತಶೆಂಚ್ ಉಪಾಧ್ಯಕ್ಷಾನಿಂ ವಾಡ್ಯಾಗಾರಾಂಕ್ ಫೆಸ್ತಾಚೆ ಶುಭಾಶಯ್ ಪಾಟಯ್ಲೆ. ಆರಂಬಾಕ್ ಶ್ರೀಮತಿ ಜ್ಯೋತಿ ಡಿ’ಸೋಜಾನ್ ನಿತ್ಯಾದಾರ್ ಮಾಯೆಚೆಂ ನೊವೆನ್ ಚಲವ್ನ್ ವ್ಹೆಲೆಂ. ಗುರ್ಕಾರ್ ಶ್ರೀ ಸುನಿಲ್ ಮಿರಾಂದಾನ್ ಸರ್ವಾಂಕ್ ಯೆವ್ಕಾರ್ ಮಾಗ್ಲೊ. ವಾಡ್ಯಾ ಪ್ರತಿನಿಧಿ ಶ್ರೀಮತಿ ಜಾನೆಟ್ ಅಲ್ವಾರಿಸಾನ್ ಸರ್ವಾಂಚೊ ಉಪ್ಕಾರ್ ಭಾವುಡ್ಲೊ. ವಾಡ್ಯಾ ಪ್ರತಿನಿಧಿ ಶ್ರೀ ರೋಶನ್ ಡಿ’ಸೋಜಾನ್ ಕಾರ್ಯೆಂ ಚಲವ್ನ್ ವ್ಹೆಲೆಂ.

ಭುರ್ಗ್ಯಾಂಚ್ಯಾ ತಶೆಂಚ್ಚ್ ಯುವಜಣಾಂಚ್ಯಾ ಸಾಂಸ್ಕೃತಿಕ್ ಕಾರ್ಯಾಸವೆಂ ಖೆಳ್ ಆಸಾ ಕೆಲ್ಲೆ. ಅಖೇರಿಕ್ ಕಾಫಿ ಫಳಾರಾ ಸವೆಂ ಕಾರ್ಯೆಂ ಸಂಪಯ್ಲೆಂ