Parish News

ಮೇ 29, 2022, ಆಯ್ತಾರಾ ಫಿರ್ಗಜೆಚೊ ನವೊ ಜಾಗೊ ಫಿರ್ಗಜೆಚ್ಯಾ ನಾಂವಾರ್ ಜಾಲ್ಲ್ಯಾ ಖಾತಿರ್ ಅರ್ಗಾಂ ಬಲಿದಾನ್ ಆನಿ ಅಭಿನಂದನಾಚೆಂ ಕಾರ್ಯೆಂ ಮಾಂಡುನ್ ಹಾಡ್ಲೆಂ. ಸಕಾಳಿಂಚ್ಯಾ ಮಿಸಾಕ್ ಪ್ರಧಾನ್ ಯಾಜಾಕ್ ಜಾವ್ನ್ ಆಮ್ಚ್ಯಾ ಫಿರ್ಗಜೆಚೊ ಪಯ್ಲೊ ವಿಗಾರ್ ಮಾ. ಬಾ. ಪ್ರಾನ್ಸಿಸ್ ಸಾವೆರ್ ಗೋಮ್ಸ್ ಹಾಣಿಂ ಸಂಭ್ರಮಿಕ್ ಅರ್ಗಾಂ ಬಲಿದಾನ್ ಭೆಟಯ್ಲೆಂ. ಆದ್ಲೊ ವಿಗಾರ್ ಮಾ. ಬಾ. ಮೈಕಲ್ ಸಾಂತುಮಾಯೆರ್ ಹಾಣಿಂ ದೆವಾಚೆಂ ಉತರ್ ಮೊಡುನ್ ಅರ್ಥಭರಿತ್ ಪ್ರಸಂಗ್ ದಿಲೊ. ಫಿರ್ಗಜ್ ವಿಗಾರ್ ಮಾ. ಬಾ. ರೊನಾಲ್ಡ್ ಡಿ’ಸೋಜಾ ಹಾಣಿಂ ಸಹ ಭೆಟವ್ಣಿ ಕೆಲಿ. ಮಿಸಾ ಉಪ್ರಾಂತ್ ಹ್ಯಾ ದಿಶೆನ್ ಕಾಮ್ ಕೆಲ್ಲ್ಯಾ ಅನಿ ಸಹಕಾರ್ ದಿಲ್ಲ್ಯಾ ಸರ್ವಾಂಚೊ ಉಪ್ಕಾರ್ ಆಟಂವ್ಚೆಂ ಕಾರ್ಯೆಂ ಮಾಂಡುನ್ ಹಾಡ್ಲೆಂ. ಜಾಗೊ ಆಮ್ಚ್ಯಾ ಫಿರ್ಗಜೆಕ್ ಮೆಳ್ಚ್ಯಾ ತೆವ್ಶಿಂ ಆರಂಭಾಕ್ ಕಾಮ್ ಕೆಲ್ಲೊ ಆಮ್ಚ್ಯಾ ಫಿರ್ಗಜೆಚೊ ಪಯ್ಲೊ ವಿಗಾರ್ ಮಾ. ಬಾ. ಪ್ರಾನ್ಸಿಸ್ ಸಾವೆರ್ ಗೋಮ್ಸ್ ತಶೆಂಚ್ಚ್ ಗೊವ್ಳಿ ಬಾಪಾಂಚ್ಯಾ ಸೂಚನಾಖಾಲ್ ಜಾಗೊ ತಾಂಚ್ಯಾ ನಾಂವಾರ್ ಥಾವ್ನ್ ಇಗರ್ಜೆಚ್ಯಾ ನಾಂವಾರ್ ಜಾಂವ್ಚ್ಯಾಕ್ ಸಂಪೂರ್ಣ್ ಸಹಕಾರ್ ದಿಲ್ಲೊ ಆದ್ಲೊ ವಿಗಾರ್ ಮಾ. ಬಾ. ಮೈಕಲ್ ಸಾಂತುಮಾಯೆರ್, ಆನಿ ಹೆಂ ಕಾಮ್ ವೆಗ್ಗಿಂಚ್ಚ್ ಪೊಂತಾಕ್ ಪಾವೊಂಕ್ ಕಾರಣ್ ಜಾಲ್ಲ್ಯಾ ಆಮ್ಚೊ ಫಿರ್ಗಜ್ ವಿಗಾರ್ ಮಾ. ಬಾ. ರೊನಾಲ್ಡ್ ಡಿ’ಸೋಜಾ ಹಾಂಕಾಂ ಫಿರ್ಗಜೆ ತರ್ಫೆನ್ ಮಾನ್ ಕೆಲೊ. ಹ್ಯಾ ಜಾಗ್ಯಾ ಪಾಟ್ಲ್ಯಾನ್ ಕಾಮ್ ಕೆಲ್ಲ್ಯಾ ಮಾನೆಸ್ತ್ ರೆಕ್ಸನ್ ಮಿರಾಂದ ಆನಿ ಮಾನೆಸ್ತ್ ಸಿಪ್ರಿಯನ್ ಪಿಂಟೊಚೊ, ಫುಲಾಂ ಥುರೊ ದೀವ್ನ್ ಉಪ್ಕಾರ್ ಬಾವುಡ್ಲೊ. ಅಕ್ರೇಕ್ ಸರ್ವಾಂಕ್ ಕಾಫಿ ಫಳಾರಾಚಿ ವ್ಯವಸ್ಥಾ ಕೆಲ್ಲಿ.