ತೈಜೆ ಮಾಗ್ಣೆಂ ಚಲವ್ನ್ ವ್ಹೆಲೆಂ

ಆಮ್ಚ್ಯಾ ಫಿರ್ಗಜ್ ಐ.ಸಿ.ವೈ.ಎಂ. ಘಟಕಾಚ್ಯಾ ಪುಡಾರ್ಪಣಾಖಾಲ್ ನಿತ್ಯಾದಾರ್ ಸಭಾ ಸಲಾಂತ್ 16.03.2021 ವೆರ್ ಸಾಂಜೆರ್ 6.30 ವರಾಂ ಥಾವ್ನ್ ತೈಜೆ ಮಾಗ್ಣೆ ಚಲವ್ನ್ ವ್ಹೆಲೆಂ. ವಿಗಾರ್ ಬಾಪ್ ರೊನಾಲ್ಡ್ ಪ್ರಕಾಶ್ ಡಿ’ಸೋಜಾ ಹಾಣಿಂ ಮಾಗ್ಣ್ಯಾಚೆಂ ಮುಖೆಲ್ಪಣ್ ಘೆತ್ಲೆಲೆಂ. ಐ.ಸಿ,ವೈ.ಎಂ. ಕರ್ನಾಟಕ ರೀಜನಾಚೊ ಅಧ್ಯಕ್ಷ್ ಶ್ರೀ ಜೈಸನ್ ಪಿರೇರಾನ್ ಸಾಂಗಾತ್ ದಿಲೊ. ಫಿರ್ಗಜ್ ಗಾಯಾನ್ ಪಂಗ್ಡಾನ್ ಕಂತಾರಾಂ ಗಾಂವ್ಕ್ ಸಹಕಾರ್ ದಿಲೊ. ಐ.ಸಿ.ವೈ.ಎಂ. ಅಧ್ಯಕ್ಷ್ ಶ್ರೀ ಅಮನ್ ಕುಟಿನ್ಹಾ ಆನಿ ಸರ್ವ್ ಸಾಂದ್ಯಾನಿಂ ಮಾಗ್ಣ್ಯಾಕ್ ಜಾಯ್ ಜಾಲ್ಲಿ ಮಾಂಡವಳ್ ಕರುಂಕ್ ಕುಮಕ್ ಕೆಲಿ. ಮಾಗ್ಣ್ಯಾ ವಿಧಿಂತ್ ಸಬಾರ್ ಫಿರ್ಗಜ್ಗಾರಾಂನಿಂ ಭಾಗ್ ಘೆವ್ನ್ ಯಶಸ್ವಿ ಕೆಲೆಂ.