ಆಮ್ಚ್ಯಾ ಫಿರ್ಗಜ್ ಕಥೊಲಿಕ್ ಸಭಾ ಘಟಕಾಚ್ಯಾ ರುಫ್ಯೊತ್ಸವ್ ವರಸ್ ಆಚರಣ್ ಸಂದರ್ಭಿಂ ಆಮಿ ಏಕ್ ಚಿಂತಾಪ್ ಚಲವ್ನ್, ಮುಖ್ಲ್ಯಾ ಪಾಂಚ್ ವರ್ಸಾನಿಂ ಆಮ್ಚ್ಯಾ ಫಿರ್ಗಜೆಂತ್ಲ್ಯಾ ಕನಿಷ್ಟ್ ದಾ ಜಣಾಂ ಯುವಜಣಾನಿಂ ಪುಣಿ, ವ್ಹಡ್ ಜಾಂವ್ ವಾ ಲ್ಹಾನ್ ಜಾಂವ್ -ಸರ್ಕಾರಿ ಕಾಮ್ ಆಪ್ಣಾಯ್ಜಾಯ್ ಮ್ಹಳ್ಳ್ಯಾ ಇರಾದ್ಯಾನ್ “ ಉಂಚ್ಲೆಂ ಶಿಕಪ್ ಆನಿ ಸರ್ಕಾರಿ ಕಾಮಾಂ – ಏಕ್ ಜಾಗ್ರತಿ ‘ಮ್ಹಳ್ಳೆಂ ಮಾಹೆತ್ ಕಾರ್ಯೆಂ 14.03.2021ವೆರ್ ಆಯ್ತಾರಾ ಮಿಸಾ ಉಪ್ರಾಂತ್ ಮಾಂಡುನ್ ಹಾಡ್ಲೆಂ. ಸರ್ಕಾರಿ ಕಾಮಾಂ ಆಪ್ಣಾಂವ್ಚ್ಯಾ ತೆವ್ಶಿಂ ಆಮ್ಚ್ಯಾ ಭುರ್ಗ್ಯಾನಿಂ ಪ್ರಯತನ್ ಕರಿಜಾಯ್. ತಾಂಕಾ ಆಮಿಂ ವ್ಹಡಿಲಾನಿಂ ಆನಿ ಆಮ್ಚ್ಯಾ ಸಮುದಾಯೆನ್ ಪಾಟಿಂಬೊ ದೀಜಾಯ್ ಮ್ಹಳ್ಳೊ ಹಾಚೊ ಉದ್ದೇಶ್ ಜಾವ್ನಾಸ್ ಲ್ಲೊ.

ಕಾರ್ಯಚೆ ಸಂಪನ್ಮೂಲ್ ವ್ಯಕ್ತಿ ಜಾವ್ನ್ ಮಾನೆಸ್ತ್ ಪ್ರೊಪೆಸರ್ ಸ್ಟೀವನ್ ಕ್ವಾಡ್ರಸ್ ಪೆರ್ಮುದೆ ಹಾಣಿಂ ಹೆಂ ಕಾರ್ಯೆಂ ಚಲವ್ನ್ ವ್ಹೆಲೆಂ. ಸಬಾರ್ ಜಣಾಂನಿ ಹಾಂತುನ್ ಭೋವ್ ಉರ್ಬೆನ್ ಭಾಗ್ ಘೆತ್ಲೊ.

ಆಮ್ಚೊ ಫಿರ್ಗಜ್ ವಿಗಾರ್ ಮಾ. ಬಾ. ರೊನಾಲ್ಡ್ ಡಿ’ಸೋಜಾ ಆನಿ ಆಮ್ಚ್ಯಾ ಕಥೊಲಿಕ್ ಸಭೆಚೊ ಅಧ್ಯಕ್ಷ್ ಮಾನೆಸ್ತ್ ಲುವಿಸ್ ಡಿಸಿಲ್ವಾ, ಜುಬ್ಲೆವ್ ಕಾರ್ಯಚೊ ಸಂಚಾಲಕ್ ಮಾನೆಸ್ತ್ ಆಲ್ವಿನ್ ಸಂತೋಷ್ ಮಿನೇಜಸ್ ಹಾಣಿಂ ಮಾನೆಸ್ತ್ ಸ್ಟೀವನ್ ಕ್ವಾಡ್ರಸ್ ಹಾಂಕಾ ಫುಲಾಂ ತುರೊ ದಿಂವ್ಚ್ಯಾ ಮುಕಾಂತ್ರ್ ಸ್ವಾಗತ್ ಕೆಲೊ.

ಶ್ರೀ ಸುನಿಲ್ ಮಿರಾಂದಾನ್ ಸರ್ವಾಂಕ್ ಸ್ವಾಗತ್ ಕರ್ನ್ ಕಾರ್ಯೆಂ ಚಲವ್ನ್ ವ್ಹೆಲೆಂ. ಸ್ರೀ ಆಲ್ವಿನ್ ಮಿನೇಜಸಾನ್ ಸರ್ವಾಂಕ್ ದಿನ್ವಾಸ್ ಪಾಟಯ್ಲೊ.