ನಿತ್ಯಾಧಾರ್ ವಾಡ್ಯಾಂತ್ ಫೆಸ್ತ್ ಆಚರಣ್

30 ಜೂನ್, 2019ವೆರ್ ಆಯ್ತಾರಾ ಸಾಂಜೆರ್ 4.30 ವರಾಂಚೆರ್ ಮಾನೆಸ್ತ್ ನೆಲ್ಸನ್ ಮಿರಾಂದಾಚ್ಯಾ ಘರಾ, ನಿತ್ಯಾಧಾರ್ ಮಾಯೆಕ್ ಮಾನ್ ಕರ್ನ್, ನಿತ್ಯಾಧಾರ್ ವಾಡ್ಯಾಗಾರಾಂನಿಂ ಫೆಸ್ತ್ ಸಂಭ್ರಮ್ಲೆ. ವಿಗಾರ್ ಮಾ|ಬಾ|ಜೇಸುದಾಸ್ ಡಿ’ಕೋಸ್ತ, ಫಿರ್ಗಜ್ ಗೊವ್ಳಿಕ್ ಪರಿಶದೆಚೊ ಉಪಾಧ್ಯಕ್ಷ್ ಮಾನೆಸ್ತ್ ಆಲ್ವಿನ್ ಸಂತೋಷ್ ಮಿನೇಜಸ್, ಕಾರ್ಯದರ್ಶಿ ಮಾನೆಸ್ತ್ ಆಲ್ವಿನ್ ಮಿನೇಜಸ್,ಲಾನ್ ಕ್ರೀಸ್ತಾಂವ್ ಸಮುದಾಯಾಚಿ ಸಂಚಾಲಕಿ ಶ್ರೀಮತಿ ಅನಿತಾ ಮಿನೇಜಸ್ ತಶೆಂಸ್ ಗೊವ್ಳಿಕ್ ಪರಿಶದೆಚೆ ಹೆರ್ ಸಾಂದೆಯಿ ಹಾಜರ್ ಆಸ್‍ಲ್ಲೆ. ವಾಡ್ಯಾಚಿ ಗುರ್ಕಾರ್ನ್ ಶ್ರೀಮತಿ ಲೀಡಿಯಾ ಮಿರಾಂದಾನ್ ಹಾಜರ್ ಆಸ್‍ಲ್ಯಾ ಸರ್ವಾಂಕ್ ಬರೊ ಯೆವ್ಕಾರ್ ಮಾಗ್ಲೊ. ಮಾನೆಸ್ತ್ ರೋಶನ್ ಡಿ’ಸೋಜಾನ್ ಕಾರ್ಯೆಂ ನಿರ್ವಹಣ್ ಕೆಲೆಂ. ಶ್ರೀಮತಿ ಜ್ಯೋತಿ ಡಿ’ಸೋಜಾನ್ ಮಾಗ್ಣೆಂ ಚಲವ್ನ್ ವೆಲೆಂ, ಉಪ್ರಾಂತ್ ವಿಗಾರ್ ಬಾಪಾನಿಂ ಸರ್ವ್ ವಾಡ್ಯಾಗಾರಾಂಕ್ ಬರೆಂ ಮಾಗ್ಲೆಂ ಆನಿ ಫೆಸ್ತಾಚೆ ಶುಭಾಷಯ್ ಪಾಟಾಯ್ಲೆ. ವಾಡ್ಯಾಚ್ಯಾ ಭುರ್ಗ್ಯಾನಿಂ ಆಪ್ಲ್ಯಾ ನಾಚಾ ಆನಿ ಗಿತಾಂ ದ್ವಾರಿಂ ಕಾರ್ಯೆಂ ಸೊಭಯ್ಲೆಂ. ಶ್ರೀಮತಿ ಡೈನಾ ಸೆರಾವೊನ್ ಸರ್ವಾಂಚೊ ಉಪ್ಕಾರ್ ಬಾವುಡ್ಲೊ. ಅಖೇರಿಕ್ ಮಾನೆಸ್ತ್ ಸುನಿಲ್ ಮಿರಾಂದಾನ್ ಖೆಳ್ ಚಲವ್ನ್ ವೆಲೆ.