ನವೀಕರಣ್ ಕೆಲ್ಲ್ಯಾ ಆಮ್ಚ್ಯಾ ಇಗರ್ಜೆಂಚೆಂ ಆಶಿರ್ವಾಚನಾಚೆಂ ಕಾರ್ಯೆಂ 18.04.2018 ವೆರ್ ಚಲವ್ನ್ ವ್ಹೆಲೆಂ. ಮಂಗ್ಳುರ್ಚೊ ಗೊವ್ಳಿ ಬಾಪ್ ಅ|ಮಾ|ದೊ| ಅಲೋಶಿಯಸ್ ಪಾವ್ಲ್ ಸೋಜ್ ಹಾಣಿಂ ಉಗ್ತಾವಣಾ ಸವೆಂ ಅರ್ಗಾಂ ಬಲಿದಾನ್ ಭೆಟಯ್ಲೆಂ. ಸಾಂಜೆರ್ 4.00 ವೊರಾಂಕ್ ಗೊವ್ಳಿ ಬಾಪಾಂಕ್ ಮುಖ್ಲ್ಯಾ ಗೆಟಿಲಾಗಿಂ ಸ್ವಾಗತ್ ಕರುನ್ ಪುರ್ಶಾಂವಾರ್ ಇಗರ್ಜೆಕ್ ಆಯ್ಲ್ಯಾಂವ್. ಇಗರ್ಜೆಚ್ಯಾ ಪ್ರಧಾನ್ ದ್ವಾರಾಕ್ ಬಾಂದ್‍ಲ್ಲೆಂ ಪಿಂತ್ ಕಾತರ್ನ್ ಗೊವ್ಳಿ ಬಾಪಾನಿಂ ಮಾಗ್ಣ್ಯಾ ವಿದಿ ಚಲವ್ನ್ ವ್ಹೆಲಿ.

ಉಪ್ರಾಂತ್ ನವೀಕರಣ್ ಕೆಲ್ಲ್ಯಾ ಖುರ್ಸಾಚೆಂ ಆನಿ ತಬೆರ್ನಾಕ್ಲಾಚೆಂ ಆಶೀರ್ವಾಚನ್ ಚಲವ್ನ್ ವ್ಹೆಲೆಂ. ಮಿಸಾಂತ್ ಮೂಡ್‍ಬಿದ್ರಿ ವಾರಾಡೊ ವಿಗಾರ್‍ವಾರ್ ಬೋ|ಮಾ| ಬಾಪ್ ಪಾವ್ಲ್ ಸಿಕ್ವೇರಾ ಸವೆಂ ಬಾರಾ ಯಾಜಾಕಾನಿಂ ಭಾಗ್ ಘೆತ್ಲೊ.

ಮಿಸಾ ಉಪ್ರಾಂತ್ ಸರ್ವಾಂಕ್ ಅರ್ಗಾಂ ಪಾಟಂವ್ಚೆಂ ಮಟ್ವೆಂ ಕಾರ್ಯೆಂ ಇಗರ್ಜೆಂತ್ ಚಲವ್ನ್ ವ್ಹೆಲೆಂ. ಹ್ಯಾ ವೆಳಾರ್ ಇಗರ್ಜೆಚೆಂ ಕಾಮ್ ಕೆಲ್ಲ್ಯಾಂ ಆನಿ ಸಹಕಾರ್ ದಿಲ್ಲ್ಯಾ ಸರ್ವಾಂಕ್ ಗೊವ್ಳಿ ಬಾಪಾನಿಂ ಸನ್ಮಾನ್ ಕೆಲೊ. ಬಾಂದ್ಪಾ ಸಮಿತೆಚೊ ಸಂಚಾಲಕ್ ಮಾನೆಸ್ತ್ ಸಿಪ್ರಿಯನ್ ಪಿಂಟೊಕ್ ಫಿರ್ಗಜೆ ತರ್ಪೆನ್ ಗೊವ್ಳಿ ಬಾಪಾನಿಂ ಮಾನ್ ಕೆಲೊ. ಫಿರ್ಗಜೆ ತರ್ಫೆನ್ ಗೊವ್ಳಿ ಬಾಪಾಂಕ್ ಸನ್ಮಾನ್ ಕೆಲೊ. ತಶೆಂಚ್ ವಿಗಾರ್ ಮಾ|ಬಾ| ಜೆಸುದಾಸ್ ಡಿ’ಕೋಸ್ತಾ ಹಾಂಕಾಂ ಫಿರ್ಗಜೆ ತರ್ಫೆನ್ ಮಾನ್ ಪಾಟಯ್ಲೊ. ಹ್ಯಾ ಕಾರ್ಯಾಂತ್ ಮೂಡ್‍ಬಿದ್ರಿ-ಮುಲ್ಕಿ ಕ್ಷೇತ್ರಾಚೊ ಶಾಸಕ್ ಮಾನೆಸ್ತ್ ಅಭಯಚಂದ್ರ ಜೈನ್ ಹಾಜರ್ ಆಸ್‍ಲ್ಲೊ. ಹ್ಯಾ ದಿಸಾಚಾ ಉಗ್ಡಾಸಾಕ್ ಕಾರ್ಯಕ್ರಮಾಂತ್ ಭಾಗ್ ಘೆತ್‍ಲ್ಲ್ಯಾ ಸರ್ವ್ ಯಾಜಾಕಾಂಕ್ ಆನಿಂ ಮುಖೆಲ್ ಸಯ್ರಾಂಕ್ ಯಾದಿಸ್ತಿಕಾ ದಿಲಿ. ಮಿಸಾ ಉಪ್ರಾಂತ್ ವಾರಾಡೊ ವಿಗಾರ್‍ವಾರ್ ಬೋ|ಮಾ| ಬಾಪ್ ಪಾವ್ಲ್ ಸಿಕ್ವೇರಾ ಹಾಣಿಂ ವಿಗಾರಾಂಚೆಂ ವಸ್ತೆ ಘರ್ ಬೆಂಜಾರ್ ಕೆಲೆಂ. ಸಗ್ಳೆಂ ಕಾರ್ಯೆಂ ಸಂಪ್ತಚ್ಚ್ ಸರ್ವಾಂಕ್ ಫಳಾರಾಚಿ ವ್ಯವಸ್ಥಾ ಮಾನೆಸ್ತ್ ಮೆಲ್ವಿನ್ ಡಿ’ಕೊಸ್ತಾ ಆನಿ ತಾಚಾ ಕುಟ್ಮಾನ್ ಆಸಾ ಕೆಲ್ಲಿ. ಸಗ್ಳೆಂ ಕಾರ್ಯೆಂ 7.00 ವರಾಂಕ್ ಅಖೇರ್ ಜಾಲೆಂ.

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Comments powered by CComment

Home | News | Sitemap | Contact

Copyright © 2011 - www.gantalkattechurch.org. Powered by eCreators

Contact Us

Parish Priest
Our Lady of Perpetual Succour Church
Gantalkatte
Phone: +91-08258-236642