ಫೆ.25, 2018: ಆಮ್ಚ್ಯಾ ಇಗರ್ಜೆಚ್ಯಾ ಬಾಂದ್ಪಾಚ್ಯಾ ಪಾಕ್ಯಾಚೆಂ ದುರಸ್ತೆಚೆಂ ಕಾಮ್ ಆಸ್‍ಲ್ಲ್ಯಾನ್ 24.02.2018 ಸನ್ವಾರಾ ಥಾವ್ನ್ ಆಮ್ಚ್ಯಾ ಸಭಾಭವನಾಂತ್ ಪವಿತ್ರ್ ಬಲಿದಾನ್ ಭೆಟಂವ್ಕ್ ಆರಂಭ್ ಕೆಲಾಂ. ಆಜ್ ಆಯ್ತಾರಾ 25.02.2008 ಅಮ್ಚ್ಯಾ ಫಿರ್ಗಜೆಂತ್ ಆಯ್ತಾರಾಚಿ ಸೆವಾ ದಿಂವ್ಚ್ಯಾ ಬ್ರದರ್ ವಿಶಾನ್ ವಿನು ಮೊನಿಸ್ ಹಾಣಿಂ ಆಮ್ಚ್ಯಾ ಫಿರ್ಗಜೆಕ್ ದಿಂವ್ಚ್ಯಾ ಆಪ್ಲ್ಯಾ ಸೆವೆಚ್ಯಾ ಅಖೆರಿಚ್ಯಾ ಆಯ್ತಾರಾ ಫಿರ್ಗಜ್ ವಿಗಾರ್ ಮಾ† ಬಾ† ಜೆಸುದಾಸ್ ಡಿ’ಕೊಸ್ತಾ ಹಾಣಿಂ ಉಗ್ಡಾಸಾಚಿ ಕಾಣಿಕ್ ದೀವ್ನ್ ಬ್ರದರಾಕ್ ಬರೆಂ ಮಾಗ್ಲೆಂ.
ಹ್ಯಾ ವೆಳಿಂ ಫಿರ್ಗಜ್ ಗೊವ್ಳಿಕ್ ಪರಿಸದೆಚೊ ಉಪಾಧ್ಯಕ್ಷ್ ಶ್ರೀ ಆಲ್ವಿನ್ ಸಂತೋಷ್ ಮಿನೇಜಸ್ ಆನಿ ಶ್ರೀ ಆಲ್ವಿನ್ ಮಿನೇಜಸ್ ಹಾಜರ್ ಆಸ್ಲೆ. ದಿಯೆಸೆಜ್ ಹಂತಾರ್ ಚಲ್‍ಲ್ಲ್ಯಾ ಕ್ರೀಸ್ತಾಂವ್ ಶಿಕ್ಷಣ್ ಪರಿಕ್ಷೆಂತ್ ಆಮ್ಚ್ಯಾ ಫಿರ್ಗಜ್ ಹಂತಾರ್ ಚಡ್ ಅಂಕ್ ಜೊಡ್‍ಲ್ಲ್ಯಾ ನೆವಿಲ್ ಡಿ’ಕೊಸ್ತಾಕ್ ವಿಗಾರ್ ಬಾಪಾನಿಂ ಬರೆಂ ಮಾಗ್ಲೆಂ. ತಶೆಂಚ್ ಫಿರ್ಗಜ್ ಹಂತಾರ್ ದಾವ್ಯಾ ವರ್ಗಾಂತ್ ಬಹುಮಾನಾ ಜೊಡ್‍ಲ್ಲ್ಯಾ ಭುಗ್ಯಾಂಕ್ ಬ್ರದರ್ ವಿಶಾನ್ ವಿನು ಮೊನಿಸ್ ಹಾಣಿಂ ಇನಾಮಾಂ ವಾಂಟ್ಲಿಂ.
ಇಗರ್ಜೆಚೆಂ ಪಾಕ್ಯಾಚೆಂ ಕಾಮ್ ಹಾತಿಂ ದರ್ಚ್ಯಾ ಸಂದರ್ಭಾರ್ ಮಟ್ವೆಂ ಸಕ್ರಮೆಂತಾಚೆಂ ಆರಾಧಾನ್ ಬ್ರದರ್ ವಿಶಾನ್ ವಿನು ಮೊನಿಸ್ ಹಾಣಿಂ ಚಲವ್ನ್ ವೆಲೆಂ.
Comments powered by CComment