ಐ.ಸಿ.ವೈ.ಯಂ. ಗಂಟಾಲ್ಕಟ್ಟೆ ಘಟಕಾ ಥಾವ್ನ್ ಅಕ್ರೀಸ್ತಾಂವ್ ಕುಟ್ಮಾಕ್ ಕುಮಕ್

2019 ಜುಲೈ 20 ತಾರಿಕೆರ್ ಸನ್ವರಾ ಸಾಂಜೆರ್ ಮಿಸಾ ಉಪ್ರಾಂತ್, ಐ.ಸಿ.ವೈ.ಯಂ.ಚ್ಯಾ ಯುವಜಣಾಂನಿ ಇಗರ್ಜೆ ಲಾಗ್ಸಾರ್ ಆಸ್ಚ್ಯಾ ಮಾನೆಸ್ತ್ ಅಬೂಬಕ್ಕರ್ ಹಾಂಚ್ಯಾ ದುಬ್ಳ್ಯಾ ಕುಟ್ಮಾಕ್ ರೂ. 15000 ದಾನ್ ಜಾವ್ನ್ ದಿಲೆ. ಹೊ ಐವಜ್ ಯುವಜಣಾಂನಿ ಫಿರ್ಗಜ್‍ಗಾರಾಂ ಥಾವ್ನ್ ಗುಜಿರಿ ಎಕ್ಟಾಂಯ್ ಕರ್ನ್ ತೊ ವಿಕುನ್ ಜಮೊ ಕೆಲ್ಲೊ ಜಾವ್ನ್ ಆಸಾ. ಮಾನೆಸ್ತ್ ಅಬೂಬಕ್ಕರಾಚೆ ಧುವೆಚ್ಯಾ ಕಾಜರಾಕ್ ಕುಮಕ್ ಜಾವ್ಚ್ಯಾ ಇರಾದ್ಯಾನ್ ಹೆಂ ದಾನ್ ದಿಲ್ಲೆಂ ಜಾವ್ನಾಸಾ.